ಬಾನಲ್ಲಿ ನಿನ್ನಿಂದ ಸೂರ್ಯೋದಯ

ಚಿತ್ರ: ನೀನು ನಕ್ಕರೆ ಹಾಲು ಸಕ್ಕರೆ (1991)
ಸಾಹಿತ್ಯ- ಸಂಗೀತ: ಹಂಸಲೇಖ
ಗಾಯಕರು: ಕೆ.ಎಸ್.ಚಿತ್ರಾ

ಶರಣು..... ಶರಣೆನುವೆ ಶರಣೆನುವೆ
ಓ ಪ್ರಭುವೇ ಶರಣೆನುವೆ

ಬಾನಲ್ಲಿ ನಿನ್ನಿಂದ ಸೂರ್ಯೋದಯ...
ಬಾನಲ್ಲಿ ನಿನ್ನಿಂದ ಸೂರ್ಯೋದಯ
ಬಾಳಲ್ಲಿ ನಿನ್ನಿಂದ ಅರುಣೋದಯ
ಬಾನಲ್ಲಿ ನಿನ್ನಿಂದ ಚಂದ್ರೋದಯ
ಆನಂದ ನಿನ್ನಿಂದ ಕರುಣಾಮಯ
ಮೋಡ ಮಳೆಯಾಗಲು, ನೀರು ಭುವಿಸೇರಲು
ಭೂಮಿ ಹಸಿರಾಗಲು, ಲೋಕ ಗೆಲುವಾಗಲು
ಓಂ.. ಓಂ.. ಓಂ.. ಓಂ.. ಓಂ.. ಓಂ
ನೀ ಕಾರಣನು ದೇವ..
ಬಾನಲ್ಲಿ ನಿನ್ನಿಂದ ಸೂರ್ಯೋದಯ
ಬಾಳಲ್ಲಿ ನಿನ್ನಿಂದ ಅರುಣೋದಯ

ಈ ಲತೆನೀನೆ.. ಈ ಲತೆನೀನೆ ಈ ಸುಮನೀನೆ
ಈ ಸುಮದಂದ ಗಂಧವು ನೀನೆ
ಕಲ್ಲಲ್ಲಿ ಮುಳ್ಳಲ್ಲಿ ಮಣ್ಣಲ್ಲಿಯು
ಗಿರಿಯಲ್ಲಿ ಗುಹೆಯಲ್ಲಿ ಬನದಲ್ಲಿಯು
ಬಾನಾಡಿ ಕೊರಳಲ್ಲಿ ಇಂಪಾಗಿಯು
ತಂಗಾಳಿ ಸುಳಿದಾಗ ತಂಪಾಗಿಯು
ತಂಗಾಳಿ ಸುಳಿದಾಗ ತಂಪಾಗಿಯು
ಹಣ್ಣ ರುಚಿಯಲ್ಲಿಯು ಜೇನಸಿಹಿಯಲ್ಲಿಯು
ಹಾಲಬೆಳಕಲ್ಲಿಯು ರಾತ್ರಿ ಇರುಳಲ್ಲಿಯು
ಓಂ.. ಓಂ.. ಓಂ.. ಓಂ.. ಓಂ.. ಓಂ
ನೀನೆ ಇರುವೆ ದೇವ...
ಬಾನಲ್ಲಿ ನಿನ್ನಿಂದ ಸೂರ್ಯೋದಯ
ಬಾಳಲ್ಲಿ ನಿನ್ನಿಂದ ಅರುಣೋದಯ

ಈಶ್ವರ ನೀನೆ.. ಈಶ್ವರ ನೀನೆ ಶಾಶ್ವತ ನೀನೆ
ಎಲ್ಲವು ನೀನೆ ಎಲ್ಲೆಡೆ ನೀನೆ
ಸಂತೋಷ ಕೊಡುವಂಥ ನಗೆಯಲ್ಲಿಯು
ಕಂದಂಗೆ ತಾಯ್ಕೊಡುವ ಮುತ್ತಲ್ಲಿಯು
ಹಿತವಾದ ಸಂಗೀತ ಸ್ವರದಲ್ಲಿಯು
ಕವಿಯಾಡೊ ಸವಿಯಾದ ಮಾತಲ್ಲಿಯು
ಕವಿಯಾಡೊ ಸವಿಯಾದ ಮಾತಲ್ಲಿಯು
ಬೆಂಕಿ ಕಿಡಿಯಲ್ಲಿಯು ನೀರ ಹನಿಯಲ್ಲಿಯು
ಕಡಲ ಒಡಲಲ್ಲಿಯು ಸಿಡಿವ ಸಿಡಿಲಲ್ಲಿಯು
ಓಂ.. ಓಂ.. ಓಂ.. ಓಂ.. ಓಂ.. ಓಂ
ನೀನೆ ಇರುವೆ ದೇವ...
ಬಾನಲ್ಲಿ ನಿನ್ನಿಂದ ಸೂರ್ಯೋದಯ
ಬಾಳಲ್ಲಿ ನಿನ್ನಿಂದ ಅರುಣೋದಯ