ಚಂದನ ಚಂದನದಿಂದ ಕೊರೆದ ಬೊಂಬೆಯ ಅಂದ ಚಂದ

ಚಿತ್ರ: ಮಿಡಿದ ಹೃದಯಗಳು (1993)
ಸಾಹಿತ್ಯ-ಸಂಗೀತ: ನಾದಬ್ರಹ್ಮ
ಗಾಯಕರು: ಎಸ್.ಪಿ.ಬಿ & ಕೆ.ಎಸ್.ಚಿತ್ರ

ಚಂದನ ಚಂದನದಿಂದ ಕೊರೆದ ಬೊಂಬೆಯ ಅಂದ ಚಂದ
ಘಮ ಘಮ ಬೊಂಬೆ ಹಿಡಿದರೆ
ಸರಿಗಮ ಬೊಂಬೆ ನುಡಿದರೆ
ಚಂದನ ಚಂದನದಿಂದ ಕೊರೆದ ಬೊಂಬೆಯ ಅಂದ ಚಂದ
ಘಮ ಘಮ ಬೊಂಬೆ ಹಿಡಿದರೆ
ಸರಿಗಮ ಬೊಂಬೆ ನುಡಿದರೆ

ತುಂಬಿರುವ ತುಂಗೆ ನೀನು ಸೌಂದರ್ಯ ವನದ ಜೇನು
ಬಳುಕಿದರೆ ನೀ ಮುಳುಗುವೆನು ನಾ
ರಸವಂತ ಚಿತ್ರಕಾರ ನನ್ನಪ್ರೇಮ ಸೂತ್ರಧಾರ
ತೀಡಿದರೆ ನೀ ಮೂಡುವೆನು ನಾ
ಮಾತಾಡಬಲ್ಲದೀ ಬೇಲೂರ ಬಾಲಿಕೆ
ಸಿಹಿಯಾದ ಕಾಣಿಕೆ ಕೊಡಬಲ್ಲ ಮದನಿಕೆ II ಚಂದನ II

ಕಲ್ಪನೆಯ ಕನ್ಯೆ ನಾನು ಕಂಗೊಳಿಸೋ ಕವಿಯು ನೀನು
ಬಯಸಿದರೆ ನೀ ಬಳಸುವೆನು ನಾ
ಕರ್ಪೂರ ಅಲ್ಲ ನೀನು ಕರಗೋಕೆ ಬಲ್ಲೆಯೇನು
ಕರಗಿದರೆ ನೀ ಉರಿಸುವೆನು ನಾ
ಅಸಾಮಾನ್ಯ ಶೂರನೇ ಸುಕುಮಾರಿ ಚೋರನೇ
ಅಪರೂಪ ಭಂಗಿಯೇ ರತಿದೇವಿ ತಂಗಿಯೇ II ಚಂದನ II