ಮುತ್ತೇ ಪ್ರಥಮ ಅದುವೇ ಜಗದ ನಿಯಮ

ಚಿತ್ರ: ಯುಗಪುರುಷ (1989)
ಸಾಹಿತ್ಯ-ಸಂಗೀತ: ನಾದಬ್ರಹ್ಮ
ಗಾಯಕರು: ಎಸ್. ಪಿ. ಬಿ & ವಾಣಿ ಜಯರಾಮ್

ಮುತ್ತೇ ಪ್ರಥಮ ಅದುವೇ ಜಗದ ನಿಯಮ
ಮದುವೆ ಪ್ರಥಮ ಅದುವೇ ಜನರ ನಿಯಮ
ಆ ಸೂರ್ಯ ಕಿರಣಗಳು ಹಸಿರು ಭೂಮಿಯನು ಚುಂಬಿಸದೇ
ಸಾಗರದ ಅಲೆಗಳಿವು ಮರಳ ತೀರವನು ಚುಂಬಿಸದೇ
ಝೇಂಕರಿಸೊ ದುಂಬಿಗಳು ನಗುವ ಹೂಗಳನು ಮುದ್ಧಿಸದೇ II ಮುತ್ತೇ II

ತಣ್ಣನೆ ಗಾಳಿ ಇದು ಬೀಸುತಿದೆ, ನಿನ್ನಯ ಮೈಸಿರಿಗೆ ಮುತ್ತಿಟ್ಟಿದೆ
ಸೋಕದ ನಿನ್ನಯ ತುಟಿಗಳ ನಾ ಸೋಕಬಾರದೇ.. ಸೋಕಬಾರದೇ
ಸಂಜೆಯ ವೇಳೆ ಇದು ಜಾರುತಿದೆ, ನಿನ್ನಯ ಸಂಯಮವು ಮೀರುತಿದೆ
ಮುತ್ತಿನ ಹಾರದಿ ನೀಡುವೆ ನಾ ತಾಳಬಾರದೇ.. ತಾಳಬಾರದೇ II ಮುತ್ತೇ II

ಸಾವಿರ ಆಸೆಗಳು ಕಣ್ಣಲ್ಲಿದೆ, ತೀರುವ ದಾರಿಗಳು ಮುತ್ತಲ್ಲಿದೆ
ಹಾರುವ ಮನಸಿಗೆ ಚುಂಬನವಾ ನೀಡಬಾರದೇ, ನೀಡಬಾರದೇ
ದೂರದ ಸ್ನೇಹದಲಿ ಪ್ರೇಮವಿದೆ, ನೋಡುವ ನೋಟದಲಿ ಮೋಹವಿದೆ
ಸೇರಲು ಕಾಯುವ ವಿರಹದಲೇ ಆಸೆ ತೀರದೇ, ಆಸೆ ತೀರದೇ II ಮುತ್ತೇ II