ದೇವಲೋಕ ಪ್ರೇಮಲೋಕ ನನ್ನ ಮನೆಈಗ

ಚಿತ್ರ: ಮಿಡಿದ ಹೃದಯಗಳು (1993)
ಸಾಹಿತ್ಯ-ಸಂಗೀತ: ನಾದಬ್ರಹ್ಮ
ಗಾಯಕರು: ಎಸ್.ಪಿ.ಬಿ & ಕೆ.ಎಸ್.ಚಿತ್ರ

ದೇವಲೋಕ ಪ್ರೇಮಲೋಕ ನನ್ನ ಮನೆಈಗ
ಇಲ್ಲಿ ನಾನು, ನನ್ನಗಂಡ, ನನ್ನಮಗುವೇ
ಪ್ರತೀ ರಾತ್ರಿ, ಪ್ರತೀ ಹಗಲು, ಬರೀ ನಗುವೆ
ದೇವಲೋಕ ಪ್ರೇಮಲೋಕ ನನ್ನ ಮನೆಈಗ
ಇಲ್ಲಿ ನಾನು, ನನ್ನಹೆಂಡತಿ, ನನ್ನಮಗುವೇ
ಪ್ರತೀ ರಾತ್ರಿ, ಪ್ರತೀ ಹಗಲು, ಬರೀ ನಗುವೆ

ಕನಸಿನಮಾಲೆ ಕಟ್ಟಿದಮೇಲೆ ನನಸುಮಾಡಿದೆ
ಮನಸುನೀಡಿದೆ ಹೃದಯ ಮಿಡಿಸಿದೆ
ಬಡತನ ನಾನು ಹೊಸತನ ನೀನು ನನ್ನ ವರಿಸಿದೆ
ಜೀವ ಬೆರೆಸಿದೆ ನೋವ ಮರೆಸಿದೆ
ಕಾವೇರಿ ನನಗಕ್ಕ ನಾ ಕಪಿಲ
ನಿನ್ನಿಂದ ಪಡಕೊಂಡೆ ನಾ ಸಕಲ
ಈ ಜನುಮದಲಿ ಮರುಜನುಮದಲಿ ನನ್ನಾಳುವ ಪತಿನೀನೇ

ವರುಷಗಳೆಲ್ಲಾ ನಿಮಿಷಗಳಂತೆ ಉರುಳಿಹೋದವು
ನಿನ್ನ ಜೊತೆಯಲಿ ಪ್ರೇಮಕಥೆಯಲಿ
ಬಯಕೆಗಳೆಲ್ಲಾ ಹೊಸಚಿಗುರಂತೆ ಮರಳಿಬಂದವು
ನಿನ್ನ ನಗುವಲಿ ಪ್ರೇಮವರದಲಿ
ಇಲ್ಲಿ ಕೋಪ ಇಲ್ಲಿ ತಾಪ ಅಪರೂಪ
ಅತೀ ಸರಳ ಅತೀ ವಿರಳ ನಿನ್ನರೂಪ
ಈ ಜನುಮದಲಿ ಮರುಜನುಮದಲಿ ನನ್ನಾಳುವ ದೊರೆನೀನೇ