ಅಂದವೋ ಅಂದವು ಕನ್ನಡನಾಡು

ಚಿತ್ರ: ಮಲ್ಲಿಗೆ ಹೂವೆ (1992)
ಸಾಹಿತ್ಯ-ಸಂಗೀತ: ನಾದಬ್ರಹ್ಮ
ಗಾಯಕರು: ಡಾII ಕೆ. ಜೆ. ಯೇಸುದಾಸ್

ಅಂದವೋ ಅಂದವು ಕನ್ನಡನಾಡು, ನನ್ನಗೂಡು ಅಲ್ಲಿದೆ ನೋಡು
ಚಂದವೋ ಚಂದವು ನನ್ನಯಗೂಡು, ನನ್ನಹಾಡು ಅಲ್ಲಿದೆ ನೋಡು
ಕಾವೇರಿ ಹರಿವಳು ನನ್ನ ಮನೆಯ ಅಂಗಳದಲ್ಲಿ
ಕಸ್ತೂರಿ ಮೆರೆವಳು ನನ್ನ ಮಡದಿ ಮಲ್ಲಿಗೆಯಲ್ಲಿ II ಅಂದವೋ II

ನನ್ನ ಮನೆಯ ಮುಂದೆ ಸಹ್ಯಾದ್ರಿಗಿರಿಯ ಹಿಂದೆ
ದಿನವು ನೂರು ಶಶಿಯು ಹುಟ್ಟಿಬಂದರೂ
ನನ್ನರತಿಯ ಮೊಗವ ಮರೆಮಾಚದಂಥ ನಗುವ
ಅವನೆಂದೂ ತಾರಲಿಲ್ಲವೇ ಪ್ರಿಯೆ .. ಒ.. ಹೋ
ನನ್ನ ಕಣ್ಣಮುಂದೆ ಮರಗಿಡದ ಮಂದೆ ಮಂದೆ
ಕೋಟಿ ಪಕ್ಷಿ ಕೂಗು ಕೇಳಿ ಬಂದರೂ
ನನ್ನ ಚಲುವೆ ಹಾಡ ಅನುರಾಗದಿಂದ ನೋಡೋ
ಆ ರಾಗ ನೋಟ ಕಾಣದೇ ಪ್ರಿಯೆ .. ಎ.. ಹೇ
ಸಹ್ಯಾದ್ರಿಕಾಯ್ವಳು ನನ್ನ ಮನೆಯ ಕರುಣೆಯಮೇಲೆ
ಆಗುಂಬೆ ನಗುವಳು ನನ್ನ ಮಡದಿನೊಸಲಿನ ಮೇಲೆ II ಅಂದವೋ II

ನಾಳೆಗಿಂತ ಇಂದೇ ಸಿಹಿಯಾದ ದಿವಸವಂತೆ
ಇಂದುನಾಳೆ ಸಿಹಿಯು ಸೇರೊದೆಂಬುದು
ಅಂತರಾಳವೆಂಬ ನೇತ್ರಾವತಿಯ ತುಂಬಾ
ಈ ಸ್ನೇಹ ಜಲದ ಸೆಳೆಯು ನಿಲ್ಲದೋ .. ಎ.. ಹೇ
ಉಸಿರು ಎಂಬ ಹಕ್ಕಿ ಎದೆಗೂಡಿನಲ್ಲಿ ಸಿಕ್ಕಿ
ಕುಹೂ ಕುಹೂ ಎಂದರೇನೇ ಜೀವನ
ಬೆಚ್ಚಗಿರುವ ಮನೆಯ ತನ್ನ ಇಚ್ಛೆ ಅರಿವ ಸತಿಯ
ಸವಿಪ್ರೇಮ ದೊರೆತ ಬಾಳು ಧನ್ಯವೋ .. ಎ.. ಹೇ
ಈ ನಾಡು ನುಡಿಯಿದು ನನಗೆ ಎಂದೂ ಕೋಟಿ ರೂಪಾಯಿ
ಈ ಬಾಳ ಗುಡಿಯಲಿ ನಿಜದಮುಂದೆ ನಾನು ಸಿಪಾಯಿ II ಅಂದವೋ II