ಓ ಪ್ರೇಮದ ಗಂಗೆಯೇ ಇಳಿದು ಬಾ.. ಇಳಿದು ಬಾ.. ಇಳಿದು ಬಾ..

ಚಿತ್ರ: ಹೃದಯ ಹೃದಯ (1999)
ಸಾಹಿತ್ಯ-ಸಂಗೀತ: ನಾದಬ್ರಹ್ಮ ಹಂಸಲೇಖ
ಗಾಯಕರು: ಡಾII ರಾಜ್ ಕುಮಾರ್ & ಕೆ. ಎಸ್. ಚಿತ್ರ

ಓ ಪ್ರೇಮದ ಗಂಗೆಯೇ ಇಳಿದು ಬಾ.. ಇಳಿದು ಬಾ..
ಇಳಿದು ಬಾ..
ಈ ಹೃದಯದ ಧರಣಿಯ ತಣಿಸು ಬಾ.. ತಣಿಸು ಬಾ..
ತಣಿಸು ಬಾ..

ಈ ಕಂಗಳ..
ಈ ಕಂಗಳ..
ಕಾವೇರಿಯ..
ಕಾವೇರಿಯ..
ಕನಸುಗಳ ಅಲೆಗಳ ಮೇಲೆ ಕುಲುಕುತ ಬಳುಕುತ ಸರಿಗಮ ಗುನುಗುತ ಬಾ..
ಒಲಿದು ಬಾ.. ಒಲಿದು ಬಾ..

ಓ ಪ್ರೇಮದ ಗಂಗೆಯೇ ಇಳಿದು ಬಾ.. ಇಳಿದು ಬಾ..
ಇಳಿದು ಬಾ..
ಈ ಹೃದಯದ ಧರಣಿಯ ತಣಿಸು ಬಾ.. ತಣಿಸು ಬಾ..
ತಣಿಸು ಬಾ..

ಬೆಳಕು ಹರಿದಂತೆ, ಹೂವು ಬಿರಿದಂತೆ
ಮುಗಿಲು ತೆರೆದಂತೆ, ಮಿಂಚು ನಗುವಂತೆ
ಚಂದ್ರ ಬೆಳೆದಂತೆ, ಕಡಲು ಜಿಗಿದಂತೆ ಬಾ ಒಲವೆ ಬಾ..
ಆ ಚಲುವ ತಾ..
ನೋಡೆ ಮೊಗವಿಲ್ಲ, ಸೋಕೆ ತನುವಿಲ್ಲ
ಆದರೇನದರ ಚಿಂತೆ ಜಗಕಿಲ್ಲ..
ನೀನು ಇರದಿರುವ ಕಣವೆ ಇಲ್ಲಿಲ್ಲಾ ಓ ಒಲವೆ ಬಾ
ಆ ಸುಖವ ತಾ..

ಮಾತಾಗಿ ಬಾ..
ಜೇನಾಗಿ ಬಾ..
ಗುರುವಾಗಿ ಬಾ..
ನೆರಳಾಗಿ ಬಾ..
ಈ ಬಾಳಿನ ಹಾಡಾಗಿ ಬಾ..

ಈ ಅಧರದ..
ಈ ಅಧರದ..
ತುಂಗಾ ತೀರದ..
ತುಂಗಾ ತೀರದ..
ಕನಸುಗಳ ಅಲೆಗಳ ಮೇಲೆ ತುಳುಕುತ ಬಳುಕುತ ಸರಿಗಮ ಗುನುಗುತ ಬಾ..
ಒಲಿದು ಬಾ.. ಒಲಿದು ಬಾ..

ಓ ಪ್ರೇಮದ ಗಂಗೆಯೇ ಇಳಿದು ಬಾ.. ಇಳಿದು ಬಾ..
ಇಳಿದು ಬಾ..
ಈ ಹೃದಯದ ಧರಣಿಯ ತಣಿಸು ಬಾ.. ತಣಿಸು ಬಾ..
ತಣಿಸು ಬಾ..

ಹಗಲು ನಿನ್ನಿಂದ, ಇರುಳು ನಿನ್ನಿಂದ
ಸಕಲ ಲೋಕಗಳೇ ನಿನ್ನ ಒಳಗಿಂದ
ಸುಖದ ಮಂದಾರ, ಜಗದ ಶೃಂಗಾರ ಓ ಒಲವೆ ಬಾ..
ಆ ಜೇನ ತಾ..
ನಿನ್ನ ಚೆಲುವೇನು, ನಿನ್ನ ಸೊಗಸೇನು
ಜೀನು ಗೂಡಂತೆ ತೂಗೋ ಧರೆ ನೀನು
ನನಗೆ ನೀ..
ಜೀವ..
ನಿನಗೆ ನಾ..
ಜೀವ..
ಓ..
ದಿವ್ಯವೇ..
ಒ ಓ..
ದೈವವೇ..

ಹಸಿರಾಗಿ ಬಾ..
ಉಸಿರಾಗಿ ಬಾ..
ಈ ಹೃದಯದ..
ಕಥೆಯಾಗಿ ಬಾ..
ಈ ಜನುಮದ..
ಜೊತೆಯಾಗಿ ಬಾ..

ಈ ಪ್ರೇಮದ..
ಈ ಪ್ರೇಮದ..
ಮಹಾ ಜೋಗದ..
ಮಹಾ ಜೋಗದಾ..
ಭಾವಗಳ ಭೋರ್ಗರೆತದಲಿ
ತುಳುಕುತ ಧುಮುಕುತ ಬೆರೆಯುತ ಹರಿಯುತ ಬಾ
ಬೆಳೆದು ಬಾ.. ಕುಣಿದು ಬಾ..

ಓ ಪ್ರೇಮದ ಗಂಗೆಯೇ ಇಳಿದು ಬಾ.. ಇಳಿದು ಬಾ.. ಇಳಿದು ಬಾ..
ಇಳಿದು ಬಾ..
ಈ ಹೃದಯದ ಧರಣಿಯ ತಣಿಸು ಬಾ.. ತಣಿಸು ಬಾ..
ತಣಿಸು ಬಾ..