ಪ್ರೇಮವು ಬೇಡ ಪ್ರೇಯಸಿ ಬೇಡ

ಚಿತ್ರ: ಅನಂತ ಪ್ರೇಮ (1990)
ಸಾಹಿತ್ಯ-ಸಂಗೀತ: ಹಂಸಲೇಖ
ಗಾಯನ: ಕೆ.ಜೆ.ಯೇಸುದಾಸ್

ಪ್ರೇಮವು ಬೇಡ ಪ್ರೇಯಸಿ ಬೇಡ, ನೆನಪೆ ಸಾಕೆನಗೆ
ಆಸೆಯು ಬೇಡ ನಿರಾಸೆಯು ಬೇಡ, ಕನಸೆ ಸಾಕೆನಗೆ
ಕಣ್ಣನು ನಂಬಿ ಹಾರುವ ದುಂಬಿ, ಮಾರುಹೋಗಬೇಡ ನೀನು ಕಾಗದದ ಹೂವಿಗೆ

ಪ್ರೇಮವು ಬೇಡ ಪ್ರೇಯಸಿ ಬೇಡ, ನೆನಪೆ ಸಾಕೆನಗೆ

ನಿಜವೇ ನೀ ದೂರ.. ನಿನ್ನ ಕಾಣಿಕೆ ಬಲು ಭಾರ.. ನಾನಿರುವೆ ನಿನಗೆ ದೂರ...
ಈ ಭ್ರಮೆಗಳ ಆಸರೆ ಸಾಕೆನಗೆ
ಬೆರೆಯುವ ಮಾತೇಕೆ.. ಬೇರಾಗುವ ಗೋಜೇಕೆ.. ಜನ ನೋಡಿ ನಗುವುದೇಕೆ..
ಕಹಿ ವಿಷಮಯ ಅನುಭವ ಸಾಕೆನಗೆ
ಹೃದಯವೇ ಕಲ್ಲಾದರೂ.. ಲೋಕವೇ ಮುಳ್ಳಾದರೂ..
ನಿಜದ ಬೆಂಕಿ ಮೇಲೆ ಇರುವೇ ನಾ

ಪ್ರೇಮವು ಬೇಡ ಪ್ರೇಯಸಿ ಬೇಡ, ನೆನಪೆ ಸಾಕೆನಗೆ

ನಂಜಿನ ಕಣ್ಣುಗಳು.. ಕನ್ನಡಿಯ ರೀತಿಯಲ್ಲ.. ನಿಜವನ್ನೇ ನುಡಿವುದಿಲ್ಲ
ಅತೀ ಆತುರ ಮನಸಿನ ಕಡುವೈರಿ
ಮಂಜಿನ ಪರದೆಗಳು.. ಸ್ಥಿರವಾಗಿ ಇರುವುದಿಲ್ಲ.. ಬೆಳಕನ್ನು ತಡೆವುದಿಲ್ಲ
ರವಿ ಬಂದರೆ ತೆರೆವುದು ತಾ ಜಾರಿ
ಬದುಕಿದು.. ಇರುವುದು.. ನೆನೆಯಲು.. ನೆರವಾಗಲು..
ಪರರ ಹಿತದ ಮೇಲೆ ಇರುವೆ ನಾ..

ಪ್ರೇಮವು ಬೇಡ ಪ್ರೇಯಸಿ ಬೇಡ, ನೆನಪೆ ಸಾಕೆನಗೆ
ಆಸೆಯು ಬೇಡ ನಿರಾಸೆಯು ಬೇಡ, ಕನಸೆ ಸಾಕೆನಗೆ
ಕಣ್ಣನು ನಂಬಿ ಹಾರುವ ದುಂಬಿ, ಮಾರುಹೋಗಬೇಡ ನೀನು ಕಾಗದದ ಹೂವಿಗೆ

ಪ್ರೇಮವು ಬೇಡ ಪ್ರೇಯಸಿ ಬೇಡ, ನೆನಪೆ ಸಾಕೆನಗೆ