ಸೂಪರೋ ಸೂಪರೋ ಸೂಪರೋ

ಚಿತ್ರ: ಪುರುಷೋತ್ತಮ (1992)
ಸಾಹಿತ್ಯ-ಸಂಗೀತ: ನಾದಬ್ರಹ್ಮ ಹಂಸಲೇಖ
ಗಾಯನ: ಎಸ್. ಪಿ. ಬಿ & ಕೆ. ಎಸ್. ಚಿತ್ರ

ಸೂಪರೋ ಸೂಪರೋ ಸೂಪರೋ
ಹುಡುಗಿ ಸೂಪರೋ ಸೂಪರೋ ಸೂಪರೋ
ಸೂಪರೋ ಸೂಪರೋ ಸೂಪರೋ
ಹುಡುಗ ಸೂಪರೋ ಸೂಪರೋ ಸೂಪರೋ

ಚಂದುಳ್ಳಿ ಹೆಣ್ಣೆ ಮಿಂಚುಳ್ಳಿ ಕಣ್ಣೆ
ಈ ನಿನ್ನ ನೋಟ ಬಾಣದಂತೆ, ಹೂವ ಬಾಣದಂತೆ

ಬೆಣ್ಣೆಯಂತೆ ನಾ ಕರಗಿ ಹೋಗುವೆ
ನಿನ್ನ ಬೆಚ್ಚನೆ ಮಾತಿಗೆ
ಬಳ್ಳಿಯಂತೆ ನಾ ಸುತ್ತಿಕೊಳ್ಳುವೆ
ನನ್ನ ಮೆಚ್ಚಿನ ಗಂಡಿಗೆ
ಬಣ್ಣದಲ್ಲಿ ಬೆಳ್ಳಿ ನೀನು
ಹೂಗಳಲ್ಲಿ ಮಲ್ಲೆ ನೀನು
ಹಬ್ಬದಲ್ಲಿ ಸುಗ್ಗಿ ನೀನು
ಅಂದಗಾತಿ ಚಂದಗಾತಿ

ಚಂದುಳ್ಳಿ ಹೆಣ್ಣೆ ಮಿಂಚುಳ್ಳಿ ಕಣ್ಣೆ
ಈ ನಿನ್ನ ನೋಟ ಬಾಣದಂತೆ, ಹೂವ ಬಾಣದಂತೆ

ಸೂಪರೋ ಸೂಪರೋ ಸೂಪರೋ
ಹುಡುಗಿ ಸೂಪರೋ ಸೂಪರೋ ಸೂಪರೋ
ಸೂಪರೋ ಸೂಪರೋ ಸೂಪರೋ
ಹುಡುಗ ಸೂಪರೋ ಸೂಪರೋ ಸೂಪರೋ

ಚಕೋರಿ.. ನಿನ್ನ ತಿಳಿ ನಗು ನೋಡಿ
ದಾಳಿಂಬೆ ತನ್ನ ಬಾಯಿ ಮುಚ್ಚಾಯ್ತು
ಮಯೂರಿ.. ನಿನ್ನ ನಡು ನಡೆ ನೋಡಿ
ಮಯೂರ ತನ್ನ ಗರಿ ಮಚ್ಚಾಯ್ತು
ಗಾಳಿಯಲ್ಲಿ ನಾ ತೇಲಿ ಹೋಗುವೆ
ನಿನ್ನ ಪದ್ಯದ ಮೋಡಿಗೆ
ಗಂಧದಂತೆ ನಾ ಸವೆದು ಹೋಗುವೆ
ನಿನ್ನ ಮುತ್ತಿನ ದಾಳಿಗೆ
ಸಂಜೆಗೆಂಪು ಕೆನ್ನೆಮೇಲೆ
ಹವಳನಿಂಬು ತುಟಿಯ ಮೇಲೆ
ತೊಡಿಸು ಬಾರೆ ತೋಳಮಾಲೆ
ಮಾಯಗಾತಿ ಮಾಟಗಾತಿ

ಚಂದುಳ್ಳಿ ಹೆಣ್ಣೆ ಮಿಂಚುಳ್ಳಿ ಕಣ್ಣೆ
ಈ ನಿನ್ನ ನೋಟ ಬಾಣದಂತೆ, ಹೂವ ಬಾಣದಂತೆ

ಸೂಪರೋ ಸೂಪರೋ ಸೂಪರೋ
ಹುಡುಗಿ ಸೂಪರೋ ಸೂಪರೋ ಸೂಪರೋ
ಸೂಪರೋ ಸೂಪರೋ ಸೂಪರೋ
ಹುಡುಗ ಸೂಪರೋ ಸೂಪರೋ ಸೂಪರೋ

ಮಂದಾರ.. ನಿನ್ನ ಹೊನ್ನ ಬಣ್ಣ ನೋಡಿ
ಬಂಗಾರ ತಾನು ಮಿಂಚಿ ಮಂಕಾಯ್ತು
ವೈಯ್ಯಾರಿ.. ನಿನ್ನ ಬಳೆ ಧನಿ ಕೇಳಿ
ಕಾವೇರಿ ನೀರ ಅಲೆ ಮೂಕಾಯ್ತು
ಉಟ್ಟಬಟ್ಟೆಯ ಬಿಗಿಯ ಮಾಡಿದೆ
ಸುಮ್ಮಸುಮ್ಮನೇ ಹೊಗಳುತಾ
ನನ್ನ ಅಂದವೇ ನಾಚಿ ಕೊಂಡಿದೆ
ದುಂಬಿ ಹಾಡನು ಕೇಳುತಾ
ಕಲೆಗಳಲ್ಲಿ ಚಿತ್ರ ನೀನು
ತಿಂಗಳಲ್ಲಿ ಚೈತ್ರ ನೀನು
ನನ್ನ ಕುಣಿಸೋ ಪಾತ್ರನೀನು
ಮೋಹನಾಂಗಿ ಕಾಮನಾಂಗಿ

ಚಂದುಳ್ಳಿ ಹೆಣ್ಣೆ ಮಿಂಚುಳ್ಳಿ ಕಣ್ಣೆ
ಈ ನಿನ್ನ ನೋಟ ಬಾಣದಂತೆ, ಹೂವ ಬಾಣದಂತೆ

ಸೂಪರೋ ಸೂಪರೋ ಸೂಪರೋ
ಹುಡುಗ ಸೂಪರೋ ಸೂಪರೋ ಸೂಪರೋ
ಸೂಪರೋ ಸೂಪರೋ ಸೂಪರೋ
ಹುಡುಗಿ ಸೂಪರೋ ಸೂಪರೋ ಸೂಪರೋ