ಮಧುವಾದೆ ನೀನು ನನ್ನ ಹಾಡಿಗೆ

ಚಿತ್ರ: ಪುರುಷೋತ್ತಮ (1992)
ಸಾಹಿತ್ಯ-ಸಂಗೀತ: ನಾದಬ್ರಹ್ಮ ಹಂಸಲೇಖ
ಗಾಯನ: ಎಸ್. ಪಿ. ಬಿ & ಮಂಜುಳ ಗುರುರಾಜ್

ಮಧುವಾದೆ ನೀನು ನನ್ನ ಹಾಡಿಗೆ
ವಧುವಾದೆ ನೀನು ನನ್ನ ಬಾಳಿಗೆ
ಮಧುವಿಲ್ಲದೇ ಸುಮವಾಗದು
ಒಲವಿಲ್ಲದೇ ಜೊತೆಯಾಗದು

ವರವಾದೆ ನೀನು ನನ್ನ ಪ್ರೀತಿಗೆ
ವರನಾದೆ ನೀನು ನನ್ನ ಬಾಳಿಗೆ
ವರವಿಲ್ಲದೇ ಮನ ಸೇರದು
ಮನ ಸೇರದೇ ಒಲವಾಗದು

ಮರೆತೆವು ಜಗದ ನೂರು ಚಿಂತೆ
ತೊರೆದೆವು ಸುಖದ ಅಂತೆ ಕಂತೆ
ಅಳಿದವು ಭ್ರಮೆಯ ಹಗಲುಗನಸು
ಉಳಿದವು ಎರಡು ತಿಳಿಯ ಮನಸು

ಮರೆತೆವು ಜಗದ ನೂರು ಚಿಂತೆ
ತೊರೆದೆವು ಸುಖದ ಅಂತೆ ಕಂತೆ
ಅಳಿದವು ಭ್ರಮೆಯ ಹಗಲುಗನಸು
ಉಳಿದವು ಎರಡು ತಿಳಿಯ ಮನಸು

ಪ್ರೇಮದ ತುಟಿಗೆ ಯೌವ್ವನ
ನೀಡಿತು ಮಧುರ ಚುಂಬನ
ಮನಸಿಗೆ ಹೃದಯ ಕಂಪನ
ಹೃದಯಕೆ ಪ್ರೇಮ ದರ್ಶನ

ಮಧುವಾದೆ ನೀನು ನನ್ನ ಹಾಡಿಗೆ
ವರನಾದೆ ನೀನು ನನ್ನ ಬಾಳಿಗೆ
ಮಧುವಿಲ್ಲದೇ ಸುಮವಾಗದು
ಮನ ಸೇರದೇ ಒಲವಾಗದು

ಬಿರಿಯಲಿ ನಾವು ನಿಂತ ನೆಲವು
ಸುರಿಸಲಿ ಬೆಂಕಿಮಳೆಯ ಬಾನು
ಹರಿಯಲಿ ದಡವ ಮೀರಿ ಕಡಲು
ತಿರುಗಲಿ ಎದುರು ನಿಂತು ಜಗವು

ಬಿರಿಯಲಿ ನಾವು ನಿಂತ ನೆಲವು
ಸುರಿಸಲಿ ಬೆಂಕಿಮಳೆಯ ಬಾನು
ಹರಿಯಲಿ ದಡವ ಮೀರಿ ಕಡಲು
ತಿರುಗಲಿ ಎದುರು ನಿಂತು ಜಗವು

ಅಮರವೀ ಪ್ರೇಮ ಕಲರವ
ಮಧುರವೀ ಸ್ನೇಹದನುಭವ
ಸತ್ಯವೀ ಹೃದಯ ಸಂಗಮ
ನಿತ್ಯವೀ ಪ್ರೇಮ ಸರಿಗಮ

ಮಧುವಾದೆ ನೀನು ನನ್ನ ಹಾಡಿಗೆ
ವಧುವಾದೆ ನೀನು ನನ್ನ ಬಾಳಿಗೆ
ಮಧುವಿಲ್ಲದೇ ಸುಮವಾಗದು
ಒಲವಿಲ್ಲದೇ ಜೊತೆಯಾಗದು